Tildeling av registreringsbokstavar

Alle luftfartøy som er registrerte i Norges luftfartøyregister, har prefikset LN-. Dette viser at fartøyet er av norsk nasjonalitet. Etter prefikset følgjer eit suffiks på tre bokstavar. Den første bokstaven i suffikset markerer i enkelte tilfelle luftfartøykategori. Desse kategoriane er:

• LN-C__: Ballongar
• LN-G__: Seglfly
• LN-O__: Helikopter
• LN-Y__: Mikrofly. Register over mikrofly blir ført av Norges Luftsportforbund (NLF)
  
  

For motordrivne luftfartøy kan ein velje mellom dei resterande bokstavkombinasjonane.

Bokstavane Æ, Ø og Å kan ikkje brukast som registreringsbokstavar. På grunn av likskapen med radiokallesignal kan heller ikkje følgjande kombinasjonar nyttast: LN-SOS, LN-PAN og LN-XXX.

Utanom dei nemnde restriksjonane kan eigar velje bokstavkombinasjon blant registreringsmerka som er ledige.

Ønskje om reservasjon av registreringsmerke sendast på e-post til nlr@caa.no med følgjande opplysningar:

• Namnet på personen som skal registrerast som eigar
• Fartøytype og serienummer
• Eventuelt tidlegare registreringsmerke i utanlandsk register