Restriksjonsområde i Vestfjorden
Luftfartstilsynet har oppretta eit restriksjonsområde i luftrommet i delar av Vestfjorden, i samband med alliert militær aktivitet i området. Restriksjonsområdet er fastsett gjennom forskrift (vedlagt).
Restriksjonsområdet er markert med raudt på kartet nedanfor, og går frå bakken/vatnet og opp til flygenivå 115. Restriksjonsområdet vil gjelda i perioden 4. mars 2024 kl. 1200 til og med 15. mars 2024 kl. 1200 lokal tid.
I denne perioden vil all flyging i restriksjonsområdet vera forboden, med mindre særskilt løyve er gitt av Forsvaret. Forbodet gjeld også ubemanna luftfartøy og modellfly. Forbodet gjeld likevel ikkje flyging i samband med militær-, politi- og søk- og redningsoppdrag.
Operatørar som har særskilt behov for flyging kan søka Forsvaret om løyve ved å senda ein e-post til ‘jaoc@mil.no’. I hastetilfelle kan ein kontakta Forsvaret (JAOC) direkte på telefonnummer 77894206.
Det er gitt opning for særskilte tilpassingar for rutetrafikk i samarbeid med lufttrafikktenesta (Avinor Flysikring AS).